Կուտակային կենսաթոշակային հաշիվը Իմ հաշվով ստուգելու քայլերը | AMX Blog
 Կուտակային կենսաթոշակային հաշիվը Իմ հաշվով ստուգելու քայլերը

Կուտակային կենսաթոշակային հաշիվը Իմ հաշվով ստուգելու քայլերը

Կուտակային կենսաթոշակային հաշիվը Իմ հաշվով ստուգելու քայլերը

Ձեր կուտակային կենսաթոշակային հաշիվն առցանց ստուգելու ու դիմումներ ներկայացնելու համար կարող եք այցելել Իմ hաշիվը կայքէջ նույնականացման քարտի՝ իր ակտիվացրած PIN ծածկագրով, և քարտը կարդացող սարքի միջոցով։

«Իմ hաշիվը» կայքէջ․ Ինչպե՞ս կառավարել կուտակային կենսաթոշակային հաշիվը

Ձեր կուտակային կենսաթոշակային հաշիվն առցանց ստուգելու ու դիմումներ ներկայացնելու համար այցելե՛ք Իմ hաշիվը կայքէջ:

 

Հայաստանի կենտրոնական դեպոզիտարիան, որպես մասնակիցների ռեեստրավար, կուտակային կենսաթոշակային համակարգի յուրաքանչյուր մասնակցի համար բացում է առանձին հաշիվ։ Եթե համակարգի մասնակից եք, ապա Ձեր անվամբ ունեք հաշիվ, որտեղ կգտնեք տեղեկություն Ձեր կուտակային հատկացումների ու դրանց հաշվին ձեռք բերված ֆոնդերի փայերի և Ձեր պորտֆելի եկամտաբերության մասին:

Կենսաթոշակային հաշվին հետևելով՝ Դուք կտեսնեք Ձեր գործատուի և պետության փոխանցումները, կհետևեք միջոցների շարժին և պորտֆելի եկամտաբերությանը, ինչպես նաև կարող եք փոխանակել փայեր կամ փոխել ակտիվ ֆոնդը և/կամ կառավարչին:

 Կառավարե՛ք Ձեր կուտակային կենսաթոշակային հաշիվն առցանց

Իմ հաշիվը կայքէջի միջոցով կարող եք առցանց ստուգել հաշվի մնացորդն ու մուտքերը, ինչպես նաև կառավարել Ձեր կենսաթոշակային հաշիվը: Այստեղ կգտնեք մի շարք ձևաթղթեր, որոնք լրացնելով կարող եք առցանց դիմել Հայաստանի կենտրոնական դեպոզիտարիային մի շարք գործողությունների համար՝

  • Անձնական տվյալների փոփոխություն
  • Կենսաթոշակային ֆոնդի և ֆոնդի կառավարչի ընտրություն
  • Կենսաթոշակային ֆոնդի փայերի փոխանակում
  • Կենսաթոշակային հաշվում արտացոլված տվյալների ստացում (նախորդ տարվա տարեկան հաշվետվության և եռամսյակային հաշվետվություն)
  • Կենսաթոշակային ֆոնդի փայերի սեփականությունից հրաժարվել/ընդունել

Այստեղ է հասանելի նաև հետևյալ տեղեկությունը՝

  • Ձեր կենսաթոշակային հաշվով գործառնությունների մասին տեղեկանք
  • Ձեր կենսաթոշակային հաշվի մնացորդի վերաբերյալ հաշվետվություն
  • Ձեր պորտֆելի եկամտաբերություն
  • Ձեր կուտակումները գրաֆիկի տեսքով
  • Ձեր գործողությունների պատմություն
  • Լրացված դիմումների ցանկ          

Կայքէջից օգտվելու համար Ձեզ անհրաժեշտ է նույնականացման քարտ՝ իր ակտիվացրած PIN ծածկագրով, և քարտը կարդացող սարք: Եթե նույնականացման քարտի հետ չեք ստացել ծածկագիր, պետք է դիմեք համապատասխան անձնագրային ծառայություններին։

Ակտիվացրե՛ք նույնականացման քարտի PIN ծածկագիրը

Նույնականացման քարտի ծածկագիրն ակտիվացնելու համար այցելե՛ք ekeng.am-ի Էլեկտրոնային ստորագրություն բաժինը, այնուհետև Ինչպես ակտիվացնել բաժինը և ներբեռնե՛ք ու տեղադրե՛ք Cryptocard Suite Manager ծրագրի՝ Ձեր համակարգչի չափանիշներին համապատասխան տարբերակը: Պետք է հիշել, որ տարեկան վճարը վերաբերում է ոչ թե ծածկագրի, այլ էլեկտրոնային ստորագրության ակտիվացմանը, հետևաբար Դուք չեք վճարում որևիցե գումար։

Այնուհետև քարտ կարդացող սարքը միացրե՛ք համակարգչին և նույնականացման քարտը տեղադրե՛ք սարքի մեջ: Բացե՛ք CryptoCard Suite Manager ծրագրի պատուհանը, որտեղ կհայտնվեն հետևյալ տողերը՝ ARMID (AuthPIN) և  ARMID (SignPIN), որոնք պետք է ակտիվացնել:

Մոնիտորի ներքևի աջ անկյունում կբացվի նոր պատուհան՝ ակտիվացված քարտի անուն-ազգանվամբ և հանրային ծառայության համարանիշով:

Ծածկագրի ակտիվացման հետ կապված հարցերի դեպքում դիմե՛ք ԷԿԵՆԳ-ի թիմին +374 60 464 504 հեռախոսահամարով:

Մու՛տք գործեք Իմ hաշիվը կայքէջը

Իմ հաշիվը կայքէջ մուտք գործելու համար վեբ բրաուզերը (դիտարկիչը) բացված վիճակում համակարգչին անհրաժեշտ է միացնել նույնականացման քարտը կարդացող սարքը, որից հետո սարքի մեջ տեղադրել քարտը: Քարտը տեղադրելուց հետո անհրաժեշտ է սպասել, որպեսզի մոնիտորի ներքևի աջ անկյունում հայտնվի հետևյալ հաղորդագրությունը`

Ցանկալի է օգտագործել Google Chrome կամ Internet Explorer դիտարկիչները: Mozilla Firefox դիտարկչի միջոցով մուտք գործելու համար անհրաժեշտ են դիտարկչի լրացուցիչ կարգաբերումներ:

Սեղմե՛ք Նույնականացման քարտ դեղին կոճակը, ինչից հետո կբացի հետևյալ պատուհանը՝

Ընտրե՛ք անուն-ազգանվամբ հաղորդագրությունը և սեղմե՛ք OK, այնուհետև բացված CryptoTech CSP պատուհանում մուտքագրե՛ք նույնականացման քարտի PIN ծածկագիրը և սեղմե՛ք OK՝

Այս պարզ քայլերի հերթականությունը պահպանելով՝ Դուք մուտք կգործեք Ձեր կենսաթոշակային հաշիվ՝

Իմ հաշիվը կայքէջի վերաբերյալ ավելի մանրամասն տեղեկություն ստանալու համար ներբեռնե՛ք օգտագործողի ուղեցույցը։

Լրացուցիչ հարցերի դեպքում կարող եք զանգահարել +374 60 61 55 55 ներքին 131 կամ 134 հեռախոսահամարով կամ ուղարկել էլեկտրոնային հաղորդագրություն pension.report@amx.am հասցեին:

Կենսաթոշակային հաշվետվություններ ստանալու այլ ձևեր

Տրամադրե՛ք Ձեր էլ․ հասցեն այս եղանակներից որևէ մեկով՝

Ներկայացրե՛ք դիմում հաշվի օպերատոր հանդիսացող բանկերի և Հայփոստի բաժանմունքներին՝ նշելով ստացման եղանակը «էլ. փոստ» և էլեկտրոնային հասցեն (ցանկալի է, որ այն լինի Ձեր անձնականը):

Տրամադրե՛ք Ձեր էլ․ հասցեն այն էլեկտրոնային նամակների միջոցով, որ Ձեզ պարբերաբար կարող է ուղարկել Ձեր գործատուն կամ բանկը, որի հաճախորդն եք Դուք։

Կենտրոնական դեպոզիտարիան իր գործընկեր կազմակերպությունների միջոցով ուղարկում է Ձեզ էլեկտրոնային նամակներ, որտեղ նշված է, որ Դուք կարող եք տրամադրել Ձեր  էլ․ հասցեն և էլեկտրոնային եղանակով երեք ամիսը մեկ և տարին մեկ անգամ ստանալ կենսաթոշակային հաշվետվություններ։ Դրա համար անհրաժեշտ է, որ բացեք Ձեզ ուղարկված նամակը և սեղմեք «տրամադրել» կոճակը։

Կարդացեք նաև